სოციალურ ქსელში დიდ დიღომში დატრიალებულ ტრაგედიას დიდი გამოხმაურება მოჰყვა. ერთ-ერთი მომხმარებელი თეა ქუთათელაძე "ყაზტრანსგაზი თბილისი"-ის თანამშრომლებზე წერს.
"პრაქტიკული მაგალითებით რომ ვისაუბროთ ყაზტრანსგაზის უპასუხისმგებლო ქმედებებზე!!!

1. რამოდენიმე წლის წინ სადარბაზოში გაზი სუნი ვიგრძენი და დავრეკე. ვცხოვრობ მე-8 სართულზე, მოვიდნენ, ხელში მიჭირავს ჩვილი ბავშვი და მიმტკიცებდნენ, რომ მეჩვენებოდა. ზედა და ქვედა სართულებიც მოვიარეთ და არსად არ არის სუნიო. მოკლედ, ბევრი თხოვნის შემდეგ, ჩავიდნენ ფეხით მე- 8 დან პირველამდე. 20 წუთის მერე მირეკავენ, მართალი ყოფილხართ ქალბატონი, ცენტრალურ მილს გასდის და გავაკეთებთო. პირველი სართულიდან ამოსული გაზი მე-8ზე თუ შევიგძენი, ამათ რა რეცეპტორები აქვთ ნეტა ვიცოდე და მაგათი ყნოსვის რეცეპტორების იმედად უნდა ვიყოთ?!!!

2. 2 წელია ვიძახევ სამზარეულოში შიგადაშიგ გაზის სუნს ვგრძნობ ერთ-ერთ მილთან მეთქი. მოვლენ, ააქაფებენ, წაუსვამენ, მიმიყვანენ და ვუყურებ დასჯილი ბავშვივით და მიხსნიან რომ მეჩვენება, თან ეღიმებათ ცინიკურად, ესო ფსიქოლოგიური მომენტია ქალბატონო, გეჩვენებათო. ახლახანს უკვე სტუმარმაც კი მითხრა აქ სუნი არისო, მოკლედ კიდევ გამოვიძახე, ისე დაცინვა და უკვე გადავირიე, რაც გინდათ ის ქენით, როგორ შეიძლება ყველას გვეჩვენებოდეს მეთქი და გამოიძახეს ვიღაცა რაღაცა აპარატით და უი, მართლა ყოფილაო!!! ანუ ძველი მილის გადაბმის ადგილას. ისევ შეადუღეს, ისევ იგივე პრობლემა თვეების მერე. მოკლედ, მერამდენე ბრძოლის მერე ახალი, იგივე დიამეტრის მილი მოიტანეს 0,5 მეტრი და შეადუღეს!!! იმის მერე აღარ მიგვრძვნია სუნი, მაგრამ სულ ღია მაქვს იმ ოთახში ფანჯარა, ისე არ ვიძინებთ და მარტო გათბობის ფულს ვწვავ რამდენად მეტს ტყუილად არ მკითხოთ!!! აქ არ არის მარტო ამ კომპანიის პრობლემა, ეს ვართ ჩვენ, უპასუხისმგებლო ხალხი!!! პ.ს და ბოლოს იცით რატომ დაფაცურდნენ, ტელეფონით ელაპარაკებოდა, ფბ პოსტიც კი ეწერა ბიჭოო. ეხლა ვერ ვნიშნავ მაგათ!!!" - წერს თეა ქუთათელაძე.