შინაგან საქმეთა სამინისტრომ ოკუპირებული ტერიტორიის პერიმეტრზე, სოფელ დიცთან პატრულირება შესაძლოა, გააძლიეროს. ამის შესახებ საქართველოს შინაგან საქმეთა სამინისტროს ანალიტიკური დეპარტამენტის უფროსმა კახა ქემოკლიძემ განაცხადა, რომელიც არსებულ ვითარებას ადგილზე გაეცნო. "ჩვენ ადგილობრივ მოსახლეობას შეგნებულად არ ავუკრძალავთ ამ ტერიტორიაზე გადასვლას, რა თქმა უნდა, ეს არ არის სახელმწიფოს ოფიციალური პოზიცია, რაც შეეხება დაცვას, აქ შესაძლებელია გაძლიერდეს პატრულირება, რათა მოსახლეობას ჰქონდეს უფრო აქტიური შეხება შინაგან საქმეთა სამინისტროს წარმომადგენლებთან და, შესაბამისად, უსაფრთხოების განცდა უფრო მაღალ დონეზე იყოს", - აღნიშნა ქემოკლიძემ.

დიცის ტერიტორიაზე დღეს დილით რუსმა სამხედროებმა მავრთულხლართების გავლება გააგრძელეს. სამუშაოების გაგრძელების შემთხვევაში, არსებობს საფრთხე, რომ 3 საცხოვრებელი სახლი, ასევე სასაფლაოც, ოსური მხარის კონტროლირებად ტერიტორიაზე მოჰყვეს. ხუთი ადგილობრივი მკვიდრი რუსებთან გასაუბრებას შეეცადა, რასაც ფიზიკური და სიტყვიერი დაპირისპირება მოჰყვა.