გირჩის ლიდერს 3 თვეა "ზურაბ გირჩი" ჰქვია

სოც.მედია - 15:39, 09 Jan, 2019

2149

პარტია „გირჩის“ ლიდერი და პრეზიდენტობის ყოფილი კანდიდატი ზურაბ ჯაფარიძე სოციალურ ქსელში წერს, რომ 8 ოქტომბრიდან მას ზურაბ გირჩია ჰქვია, თუმცა ცესკომ საარჩევნო ბიულეტენში ძველი სახელუთ შეიყვანა. ჯაფარიძე ფეისბუკსტატუსში ხუმრობს და არჩვნებში დამარცხების ერთ-ერთ „მიზეზად“ სწორედ იმას ასახელებს, რომ ამომრჩეველმა ბიულეტენში „ზურაბ გირჩი ჯაფარიძე“ ვერ იპოვა

„სახელის შეცვლაზე რომ შევიტანე განცხადება ხომ გახსოვთ?

მითხრეს რომ გასაუბრებაზე დამიბარებდნენ და ისე გადაწყვეტდნენ სახელში ‘გირჩი’-ს ჩამატების საკითხს. გასაუბრებაზე თუ არ მივიდოდი, განცხადებას გააუქმებდნენ

არავინ შემომხმიანებია

8 ოქტომბერს მომივიდა მესიჯი რომ დასრულდა პროცედურა

რადგან გასაუბრება არ გამივლია, ჩავთვალე რომ განცხადება გააუქმეს

დღეს დამჭირდა კატოსთვის რაღაც საბუთის გაკეთება იუსტიციის სახლში

მომთხოვეს ჩემი პირადობა. მივაწოდე

გაუქმებულიაო. სახელი გაქვთ შეცვლილიო და გამიხვრიტეს

როგორც გავარკვიე, 8 ოქტომბრის შემდეგ ‘ზურაბ გირჩი ჯაფარიძე“ ვარ

ეს ოკ, მაგრამ:

28 ოქტომბრის საარჩევნო ბიულეტენში ჩემს ნაცვლად ვინ ეწერა?

ვის მისცა ხმა 36,000-მა ადამიანმა?

იქნებ დაიბნა ხალხი, ‘ზურაბ გირჩი’-ს ეძებდა ბიულეტენში და რომ ვერ იპოვა, სხვას მისცა ხმა?

ეს თუ არაა გაყალბება, აბა რაა?“- წერს ზურაბ გირჩი ჯაფარიძე ფეისბუკზე.