საქართველოს პრემიერმინისტრი ბიძინა ივანიშვილი მიიჩნევს, რომ სხვა ბევრ პროექტთან ერთად, თბილისის შემოვლითი რკინიგზის პროექტი არამომგებიანია.

ამის შესახებ განცხადება პრემიერმინისტრმა დღეს გააკეთა და ამით, პრაქტიკულად, საქართველოს პრეზიდენტის ბრალდებას უპასუხა, რომელმაც განაცხადა, რომ პროექტი უშუალოდ ივანიშვილის ინიციატივით შეჩერდა. 

ამასთან, პრემიერმინისტრი აცხადებს, რომ საკითხის განხილვაში მართლაც მონაწილეობდა:

„მას პასუხს რგინიგზის უფროსის მოადგილე ან სხვა ვინმე გასცემს. მე რა თქმა უნდა ვმონაწილეობდი ამ პროექტის განხილვაში. უამრავი კითხვებია, სხვა ბევრ უაზრო პროექტებთან ერთად ეს პროექტიც არასასარგებლოა ქვეყნისათვის”,- განაცხადა ბიძინა ივანიშვილმა.