„ქართველთა კავშირი რუსეთში“, რომელსაც მოსკოვში მცხოვრები ზუგდიდელი ბიზნესმენი მიხეილ ხუბუტია ხელმძღვანელობს, 5 ოქტომბერს თბილისობას მოსკოვში გამართავს.

შესაბამისი ბანერები უკვე დამზადებულია და მათი ხილვა მოსკოვის უბნებშიცაა შესაძლებელი. ორგანიზატორები მოსკოვის მცხოვრებლებსა და რუსეთის დედაქალაქის სტუმრებს მოსკოვის ბაღ „ერმიტაჟში“ 12-დან 20 საათამდე ქართული კერძების, ჩურჩხელისა და ყურძნის დასაგემოვნებლად იწვევენ. ღონისძიებაზე შესვლა უფასოა.

შესაბამის განცხადებას „ქართველთა კავშირი რუსეთში“ საკუთარ ვებგვერდზეც აქვეყნებს. ღონისძიებაზე ინფორმაცია "ფეისბუქზეც" გავრცელდა.

ჯერჯერობით უცნობია, დაესწრება თუ არა მოსკოვში დაანონსებულ ღონისძიებას ოფიციალური პირი/პირები საქართველოდან.