საქართველოს მართლმადიდებელი ეკელსიის წარმომადგენლები უკრაინის ავტოკეფალიის საკითხზე კომენტარისა და შეფასების გაკეთებისგან თავს იკავებენ. ამის მიზეზად მღვდელმთავრები იმ ფაქტორს ასახელებენ, რომ მათთვის ტომოსის ტექსტი ჯერჯერობით უცნობია.

სწორედ ამ თავშეკავების მიზეზზე საუბრობს ჭყონდიდელი მიტროპოლიტი მეუფე პეტრე „ტვ პირველთან“:

„თავშეკავების მიზეზი ან არის შედეგი უმეცრებისა, გაუთვითცნობიერებლობის თუ რას ნიშნავს ეკლესიური დამოუკიდებლობა სახელმწიფოებრიობისათვის და რას ნიშნავს მოყვასის სიყვარული, რა არის ქრისტიანობა და მისი სიყვარულით ხარობდე, კაენის ცოდვისაგან იყო თავისუფალი. ან არის მიზეზი უმეცრება, ასევე, არ გამოვრიცხავ, რომ ზეწოლას და მუქარასაც ჰქონდეს ადგილი, არანაირად არ ვართ ჩვენ თავისუფალი ამ ვერსიისგან და მისი გამორიცხვა არ შემიძლია“, - აღნიშნავს მეუფე პეტრე.