ახალციხეში, ვანო მერაბიშვილის საცხოვრებელ სახლში სტუმრად საქართველოს პრეზიდენტი მიხეილ სააკაშვილი იმყოფებოდა. ის, სავარაუდოდ, ვანო მერაბიშვილის დედას ჟენია მერაბიშვილს ესაუბრა და სახლი რამდენიმე წუთის წინ დატოვა.

„ნიუპოსტს“ ახალციხიდან შეატყობინეს, რომ ვანო მერაბიშვილის სახლს დილიდან სამართალდამცველები აკონტროლებდნენ, ხოლო სახლიდან გამოსულმა მიხეილ სააკაშვილმა მედიასთან კომენტარი არ გააკეთა. უცნობია მიხეილ სააკაშვილისა და ჟენია მერაბიშვილის საუბრის დეტალებიც.

ახალციხეში მდებარე ვანო მერაბიშვილის სახლში პრეზიდენტის სტუმრობის ამსახველი ფოტოები „სამხრეთის კარიბჭემ“ გამოაქვეყნა.