„საზოგადოებრივი მაუწყებლის“ ახალი ლოგო, რომელიც უკვე გამოჩნდა ქართული ტელევიზიების წარმომადგენელთა სხვა ლოგოებს შორის, სატელევიზიო ჩაწერების დროს, რუსეთის საზოგადოებრივი არხის ლოგოს თითქმის ერთი-ერთზე ჰგავს და მის ანალოგს წარმოადგენს.

ლოგოების ერთმანეთთან შედარების გამარტივებისთვის სოციალურ ქსელებში გუშინვე, გვიან ღამით გავრცელდა ფოტო, სადაც მსგავსება ლოგოს დიზაინში აშკარაა, ორივე ლოგოს ფერი კი ერთმანეთს ემთხვევა.

ამასთან, სოციალურ ქსელ „ფეისბუქში“ მომხმარებლები იმასაც წერენ, რომ „საზოგადოებრივი მაუწყებლის“ ახალი ლოგო რუსეთის საზოგადოებრივი არხის ლოგოს ერთერთი დაწუნებული ვარიანტია.

ზოგიერთი მომხმარებელი ლოგოს სასწრაფოდ შეცვლას მოითხოვს და აცხადებს, რომ თუ ასე არ მოხდება, დაიწყებს ხელმოწერების შეგროვებას „საზოგადოებრივი მაუწყებლის“ წინააღმდეგ.