დღეს, 16 სექტემბერს, საჯარო სკოლებში სწავლა დაიწყო. როგორც განათლების სამინისტროში აცხადებენ, ახალი სასწავლო წლისთვის ქვეყნის მასშტაბით ყველა სასწავლო დაწესებულება მზად არის, რამდენიმე სკოლის გარდა. 

სწავლის დაწყება მოსწავლეებს 47-ე საჯარო სკოლიდან მიულოცა განათლების მინისტრმა თამარ სანიკიძემ. ახალი სასწავლო წლის დაწყებას სკოლები დაახლოებით 20-მდე სიახლით ხვდებიან. მათ შორის არის უფასო სახელმძღვანელოები, მოწესრიგებული ინფრასტრუქტურა და ინტერნეტი ყველა სკოლაში. 

ამ სიახლეების შესახებ, ინფორმაცია განათლებისა და მეცნიერების მინისტრმა თავად მიაწოდა პედაგოგებსა და მოსწავლეებს. 

„დღეს სიახლეები ბევრი გვაქვს. გვაქვს სახელმძღვანელოები რომელიც მოსწავლეებს უფასოდ დაურიგდა. გვაქვს რეაბილიტირებული ინფრასტრუქტურა, სკოლის პერსონალს მომატებული ხელფასები, ინტერნეტი ყველა სკოლაში, ნეტბუქები განახლებული ვერსიით და კიდევ ასე ვთქვათ გრძელი ჩამონათვალი იმ სიახლეებისა, რომელსაც წელს ჩვენ ვთვაზობთ სკოლებს. 

რა თქმა უნდა არის სიახლეები, რომელიც ჯერ კიდევ პროექტის ფაზაშია, რომელსაც წლის განმავლობაში თანმიმდევრულად შევთავაზებთ ჩვენს სკოლებს,“- განაცხადა თამარ სანიკიძემ.

შენიშვნა: არქივის ფოტო.