დაცვის მხარის განცხადებით, მათ არც დანაშაული ჩაუდენით და არც პოლიციისათვის გაუწევიათ წინააღმდეგობა.

შემთხვევა, რის გამოც ისინი დააკავეს, ბათუმში ორი დღის წინ მოხდა.

რუსეთის მოქალაქეს, რომელიც შსს-ს ინფორმაციით, ქვეყანაში არალეგალურად არის შემოსული, სამართალდამცველებმა საბუთები მოსთხოვეს, რასაც სროლა მოყვა.

პოლიციელებმა გასროლითვე უპასუხეს, რა დროსაც მსუბუქად დაიჭრა სამი ადამიანი: თავდამსხმელი, პოლიციელი და გამვლელი მოქალაქე.

სამართალდამცველებმა თავდამსხმელიც და მისი თანმხლები პირები ადგილზევე დააკავეს.