უკრაინის მართლმადიდებელმა ეკლესიამ რუსეთის ეკლესიას დიდი ხნის დავის შემდეგ თავი დააღწია - 6 იიანვარს, შობის წინა დღეს მსოფლიო პატრიარქი უკრაინის გაერთიანებულ მართლმადიდებელ ეკლესიას ტომოსს (ავტოკეფალიის სიგელს) გადასცემს.

მიუხედავად ამისა, რუსეთი დანებებას არ აპირებს. ვლადიმერ პუტინი მსოფლიო პატრიარქის ქმედებას "უხეშ ჩარევად" აფასებს და ახლა ცდილობს, რაც შეიძლება ნაკლებმა ეკლესიამ აღიაროს უკრაინელი მართლმადიდებლების ავტოკეფალია.

საკუთარი პოზიცია უნდა დააფიქსიროს საქართველომაც. წმ. სინოდის სხდომაზე, რომელიც რამდენიმე დღეში გაიმართება, ეს საკითხიც იქნება განხილული.

უკრაინის ეკლესიის გამოყოფა რუსულისგან, რომლის ფაქტობრივი ნაწილიც 1686 წლიდან იყო, უპირველესად და უმთავრესად პოლიტიკური მოვლენაა.