რუსეთში, სოლიკამსკში მდებარე მაღაროში 364 მეტრის სიღრმეზე გაჩენილი ხანძრის შედეგად 8 ადამიანი დაიღუპა. ერთი მაღაროელი დაკარგულად ითვლება. მაშველებმა მხოლოდ 8 ადამიანის გამოყვანა შესძლეს.

საგანგებო სიტუაციების სამსახურში ჯერ-ჯერობით ვერ ასახელებენ რამ გამოიწვია ხანძარი. დაღუპულთა გვამები დედამიწის ზედაპირზე ჯერ არ ამოუტანიათ.

მომხდართან დაკავშირებით დაწყებულია გამოძიება. სამართალდამცველები ეჭვობენ, რომ მაღაროში უსაფრთხოების ზომები დაცული არ იყო.