ელექტრონული სიგარეტის მომხმარებელი ამერიკელი მოზარდების რიცხვი მკვეთრად გაიზარდა

მსოფლიო - 15:24, 22 Dec, 2018

1555

ერთი წლის განმავლობაში, ამერიკაში, მესამედით გაიზარდა იმ უფროსკლასელთა რიცხვი, რომლებიც ელექტრონულ სიგარეტს მოიხმარენ. ეს მონაცემები აშშ-ის ნარკოტიკების მოხმარების ეროვნულმა ინსტიტუტმა გამოაქვეყნა. ანგარიშის თანახმად, ვეილინგი (ელექტრონული სიგარეტის მოწევა) საზოგადობრივი ჯანდაცვისთვის სერიოზული პრობლემა ხდება.

მკვლევარების თქმით, ამგვარი წლიური "ნახტომი" უკანასკნელი 46 წლის განმავლობაში არ დაფიქსირებულა.

"უფროსკლასელთა ლტოლვა ელექტრონული სიგარეტისადმი უბრალოდ მიუღებელია. მათ უნდა ესმოდეთ, თუ რა ზიანი მოაქვს მას ჯანმრთელობისთვის. ვეილინგმა საბოლოოდ ადამიანი შესაძლოა ჩვეულებრივი სიგარეტის მოწევამდე მიიყვანოს. მათ არავინ ეუბნება, რომ ვეილინგი არ ნიშნავს ნიკოტინის არმიღებას," - ნათქვამია კვლევაში.

ამავე კვლევაში მოყვანილია ციფრები, რომლის თანახმადაც თინეიჯერები ასევე აქტიურად მოიხმარენ მარიხუანას. ალკოჰოლს, ოპიოდებს. კვლევაში სულ 44 ათასმა ამერიკელმა მოსწავლემ მიიღო მონაწილეობა. ექსპერტები დასკვნაში აღნიშნავენ, რომ სასწრაფოდ უნდა შეიზღუდოს ელექტროსიგარეტების ონლაინმაღაზიების მეშვეობით შეძენა, რათა შემცირდეს მოზარდებისთვის მისი შეძენის წვდომა.