ამის შესახებ ჟურნალისტებს ბათუმის საავადმყოფოს დირექტორმა მალხაზ ხალვაშმა განუცხადა.

"საავადმყოფოში წუხელ ღამით მოყვანილ იქნა სამი პაციენტი, რომლებსაც აღენიშნებოდათ ცეცხლსასროლი იარაღით მიყენებული სხვადასხვა სახის ჭრილობები. სამივე პაციენტს გაეწია დახმარება, მოხდა ჭრილობების ქირურგიულად დამუშავება. დღეისთვის სამივე პაციენტის მდგომარეობა სტაბილურია, აგრძელებენ მკურნალობას კლინიკის ქირურგიულ დეპარტამენტში", - აღნიშნა მალხაზ ხალვაშმა.

მისივე თქმით, ეთიკის ნორმები რომ არ დაირღვეს, საავადმყოფო პაციენტების ვინაობის შესახებ ინფორმაციას არ გასცემს.

შეგახსენებთ, რომ წუხელ ბათუმში მომხდარი ინციდენტისას სამი ადამიანი დაშავდა.