თბილისის საკრებულოსთან ამხანაგობის წევრთა აქცია გაიმართა

საზოგადოება - 16:09, 13 Sep, 2013

1319

ამ წუთებში დასრულდა აქცია, რომელსაც საკრებულოსთან ამხანაგობების წევრები და თვმჯდომარეები მართავდნენ. პარალელურად ხმაური იყო საკრებულოს შენობაშიც, სადაც აქციის მონაწილეთა ნაწილი საკრებულოს თავმჯდომარეს ირაკლი შიხიაშვილს შეხვდა.

საკრებულოს სხდომა სულ ცოტა ხნის წინ დასრულდა, ირაკლი შიხიაშვილი თავმჯდომარე დაჰპირდა აქციის მონაწილეებს, რომ ის სათითაოდ შეხვდება ამხანაგობის თავმჯდომარეებს და მათ პრობლემებს მოისმენს. მთავარი მოთხოვნა ამხანაგობების თავმჯდომარეებისგან იყო ის რომ მათ სურთ მოხდეს თანადაფინანსების პროექტების გაგრძელება, ასევე ითხოვენ, 10 მილიონის გამგეობებისთვის გაბრუნებას. ეს თანხა, როგორც ვიცით, საკრებულოს გადაწყვეტილებით მოეხსნა გამგეობებს. ეს 10 მილიონი იყო ძირითდად ამხანაგობების თავმჯდომარეობის წახალისების დაფინანსება. როგორც თავმჯდომარემ განმარტა, მოხდება წახალისების წესის შეცვლა და შესაბამისად მათ დაფინანსება უახლოეს მომავალში აღუდგებათ. ,,მომისმინეთ, თანხას მიიღებთ, ოღონდ, წესს როგორც კი შევცვლით. წესი 10 დღეში შეიცვლება. ოღონდ იცოდეთ, რომ ,,ნაცმოძრაობა“ ცუდია, ,,ოცნება“ კარგია“-ამ ფრაზებს არ მოვისმენ. მე ხალხს არ ვარჩევ!“, - განაცხადა შიხიაშვილმა აქციის მონაწილეებთან შეხვედრაზე.