საფრანგეთის პრეზიდენტმა ემანუელ მაკრონმა ქვეყანაში საგანგებო სოციალურ-ეკონომიკური მდგომარეობა გამოაცხადა. სამკვირიანი პროტესტისა და არეულობის შემდეგ პრეზიდენტმა შეცდომები აღიარა და მოსახლეობის რისხვას სამართლიანი უწოდა.

სატელევიზიო მიმართვაში, მაკრონმა 2019 წლიდან მინიმალური ხელფასის 100 ევროთი გაზრდაც დაანონსა. ამავდროულად, წლის ბოლოს დარიცხული პრემიები და ზეგანაკვეთური ანაზღაურება არ დაიბეგრება.

საფრანგეთში საპროტესტო აქციები 17 ნოემბრიდან დაიწყო. საპროტესტო აქციის მონაწილეები, რომლებსაც ყვითელი ჟილეტები ეცვათ, მთავრობისგან გადასახადების შემცირებას, ხელფასების გაზრდასა და ეკონომიკური პოლიტიკის გადახედვას მოითხოვდნენ, რაც ბოლოს მთავრობის გადადგომის მოთხოვნაში გადაიზარდა.

რამდენიმეკვირიანი პროტესტის შემდეგ საფრანგეთის ხელისუფლებამ გადაწყვიტა საწვავზე გადასახადის გაზრდაზე მორატორიუმის დაწესება გადაწყვიტა.