დემნა გვასალიამ ახალი კოლექციის ჩვენება მავთულხლართების ფოტოთი დააანონსა (ფოტო)

შოუ ბიზნესი - 15:12, 10 Dec, 2018

2653

დემნა გავასლიას ბრენდმა Vetements ინსტაგრამის ოფიციალურ გვერდზე, მავთულხლართების ფოტო ატვირთა. დიახ, ეს სწორედ ისეთი მავთუხლართია, როგორიც რუს ოკუპანტებს აქვთ გავლებული საქართველოს ოკუპირებული ტერიტორიების ე.წ. საზღვარზე.
ჯერჯერობით უცნობია, რას გვიმზადებს "ვეტმანი". ფოტოს თან ახლავს წარწერა - "Vetements გაზაფხული-ზაფხული 2019, უყურეთ შოუს IGTV-ზე."

დემნა და მისი ძმა გურამი, სოხუმში დაიბადნენ, თუმცა აფხაზეთის დაკარგვასთან ერთად, მშობლიური სახლის დატოვებაც მოუწიათ.

აღნიშნულ თემას, დემნამ სპეციალური კოლექციაც მიუძღვნა. უცხოური მედიის შეფასებით, სწორედ ეს, 2019 წლის გაზაფხული-ზაფხულის ახალი კოლექცია Vetements -ში ყველაზე პირადული იყო, რადგან მის აღზრდას და საქართველოს პოლიტიკურ პრობლემებს უკავშირდებოდა. კოლექციაში ნახავდით ყველაფერს 90-იანებიდან და არა მარტო 90-იანებიდან.

"ეს ჩემი თავის წარდგენაა, როგორც ქართველის, რადგან ყოველთვის მიჭირდა ამეხსნა, საიდან ვარ. ან საერთოდ არ იცოდნენ რაზე ვლაპარაკობდი, ან ამერიკელი ვეგონე. აქამდე არასოდეს შემძლებია ჩემი იდენტობის წინ წამოწევა. მე მგონი, პირველად ახლა იყო, რომ ის „მაგიდაზე იდო“, ყველას დასანახად... არა, ეს არ ყოფილა „ჩემი ტრავმის კომერციალიზაცია“. სინამდვილეში, ეს ჩემი ტრავმის მიღება იყო და მისი შემოქმედებად გადაქცევა. ჩემი აზრით, სწორედ ესაა ყველაზე მნიშნელოვანი, რასაც ხალხი ვერც ამჩნევს. ტრავმა შემოქმედებად გადაიქცა და რაღაც ახალი შეიქმნა. ესაა ყველაზე საოცარი რამ, რისი გაკეთებაც შემოქმედებით ადამიანს შეუძლია“- განაცხადა დემნამ კოლექციაზე საუბრისას.

Vetements-ი ძმებმა დემნა და გურამ გვასალიებმა 2014 წელს დააარსეს და აღიარებაც მალევე მოიპოვეს. "ვეტმანის" წლიური შემოსავალი 100 მილიონ ევროს უტოლდება. რაც შეეხება დემნას, 2015 წლიდან ის მოდის სახლ Balenciaga-ს შემოქმედებითი ხელმძღვანელიც არის.