ქუთაისის მერი დიმიტრი კოპალიანი, თანამდებობიდან გადადგომის შემდეგ, შესაძლოა, განათლების სფეროში გადავიდეს და იქ დასაქმდეს.

ამის შესახებ რადიო „ძველ ქალაქს“ ქუთაისის საკრებულოს წევრმა მამუკა მღვდელაძემ განუცხადა.

„დიმიტრი კოპალიანი წავიდა პირადი განცხადებით, მას აქვს შეთავაზება უფრო მაღალ თანამდებობაზე, მე ზუსტად ვერ დაგიდასტურებთ , მაგრამ რამდენადაც მაქვს ინფორმაცია განათლების მიმართულებით აქვს შეთავაზება, ეს არის პიროვნება რომლის შერჩევის დროსაც ჩვენ ვიხელმძღვანელეთ მისი ღირსებებით, რაც არის: განათლება, პატიოსნება და მრავალწლიანი გამოცდილება, თუმცა როგორც უფრო ზედა ეშელონებში გადაწყვიტეს, მისი რესურსი უფრო საინტერესო შეიძლება იყოს სხვა პოზიციაზე.“- განაცხადა მღვდელაძემ.

შეგახსენებთ, რომ დიმიტრი კოპალიანმა ქუთაისის მერის თანამდებობა, საკუთარი განცხადების საფუძველზე, 11 სექტემბერს, შვებულებიდან დაბრუნებისთანავე დატოვა.