სომხეთის რიგგარეშე საპარლამენტო არჩევნებში ნიკოლ ფაშინიანის ბლოკმა გაიმარჯვა

მსოფლიო - 11:41, 10 Dec, 2018

3478

სომხეთის რიგგარეშე საპარლამენტო არჩევნებში ნიკოლ ფაშინიანის ბლოკმა გაიმარჯვა.

ცენტრალური საარჩევნო კომისიის ინფორმაციით, ხმების დათვლის პროცესი უკვე დასრულებულია. პრემიერის მოვალეობის შემსრულებლის საარჩევნო ბლოკმა "ჩემი ნაბიჯი", ხმათა 70.4 % მიიღო.

სომხეთის პარლამენტში პარლამენტში ასევე შედის "აყვავებული სომხეთი", რომელმაც ხმათა 8,42% მიიღო და "ნათელი სომხეთი", რომელსაც ამომრჩევლების 6,33%-ი მიემხრო.
ფაშინიანი სომხეთის ხელისუფლებაში ამ წლის მაისში მასობრივი აქციების ფონზე მივიდა. მან პრემიერმინისტრის პოსტზე სერჟ სარგსიანი შეცვალა.

ვადამდელი არჩევენების დანიშვნა იყო სომხეთის პრემიერ-მინისტრის ნიკოლ ფაშინიანის გადადგომის მიზანი. პრემიერ-მინისტრის თანამდებობა ნიკოლ ფაშინიანმა საკუთარი ნებით 16 ოქტომბერს იმ განზრახვით დატოვა და პარლამენტში მის მომხრეებს მოუწოდა რომ მისი ხელახალი არჩევისთვის მხარი არ დაეჭირათ.

არჩევნებში ორი ბლოკი და ცხრა პარტია მონაწილეობს. პარლამენტში მოსახვედრად, პარტიამ 5 %-იანი ბარიერი უნდა გადალახოს, ბლოკმა - 7 %. ამასთან, პარლამენტში, მინიმუმ, სამი პოლიტიკური ძალა უნდა იყოს წარმოდგენილი. პარტიების უმეტესობის პროგრამა რუსეთთან ურთიერთობების გაფართოების მომხრეა. პრემიერ-მინისტრის მოვალეობის შემსრულებლის ნიკოლ ფაშინიანის ბლოკი სწორედ ამ პირობას დებს, რომ რუსეთთან შემდგომ ურთიერთობებს განავითარებს, რომელიც დაფუძნებული იქნება ქვეყნის ინტერესებზე.