პრეზიდენტის სიძის, მინდია გოგოჭურის ადვოკატი ამბობს, რომ მისი დაცვის ქვეშ მყოფი თავს დამნაშავედ არ ცნობს.

ადვოკატის თქმით, გამოძიება გოგოჭურს ცეცხლსასროლი იარაღის შეძენა-შენახვას და დანაშაულის დაფარვას ედავება.

"რა თქმა უნდა, მტკიცებულებები და აქტები სხვა რამეზე მეტყველებს. ის ამ ბრალდებას არ ეთანხმება და, სავარაუდოდ, მომავალშიც ასეთი პოზიცია ექნება. ვნახოთ, საქმის მასალებში რა მოცემულობა იქნება. ვინაიდან საქმის მასალებს არ ვიცნობ, არ მინდა, შეცდომაში შეგიყვანოთ. როდესაც მათ დეტალურად გავეცნობი, შემდეგ შეგვიძლია ვიმსჯელოთ, არსებობს თუ არა დასაბუთებული ვარაუდი თუნდაც იმის სამტკიცებლად, რომ აღკვეთის ღონისძიების სახით გამოყენებული იყოს რაიმე სახის ღონისძიება",-განაცხადა ბიბილაშვილმა.