ჯორჯ ბუში უფროსი ცოლისა და 3 წლის შვილის გვერდით დაკრძალეს

მსოფლიო - 10:57, 07 Dec, 2018

1716

ტეხასში შეერთებული შტატების 41-ე პრეზიდენტი ჯორჯ ჰერბერტ უოკერ ბუში დაკრძალეს.
ამერიკის შეერთებული შტატების 41-ე პრეზიდენტი მისივე სახელობის ბიბლიოთეკის ეზოში, მისი მეუღლის გვერდით დაკრძალეს. დახურული ცერემონიალი, რომელსაც მხოლოდ მისი ოჯახის წევრები ესწრებოდნენ, საპატიო ყარაულისა და სამხედრო ორკესტრის თანხლებით გაიმართა.

ჯორჯ ბუში უფროსი 94 წლის ასაკში, 30 ნოემბერს გარდაიცვალა ჰიუსტონში.
ჯორჯ ბუშ უფროსი 1924 წლის 12 ივნისს დაიბადა და მას წარმატებული პოლიტიკური კარიერა ჰქონდა.
ჯორჯ ბუში უფროსის წინამორბედი რონალდ რეიგანი, მემკვიდრე კი ბილ კლინტონი გახლდათ.
იგი აშშ-ის პრეზიდენტი 1989 წლის 20 იანვარს გახდა, 1993 წლის 20 იანვარს კი დატოვა ოვალური კაბინეტი.

1981 წლიდან 1989 წლამდე ჯორჯ ბუშ უფროსი აშშ-ის 43-ე ვიცე-პრეზიდენტი იყო.

1976 წლიდან 1977 წლამდე კი ცენტრალური სადაზვრევო სამმართველოს დირექტორი.

იგი ასევე გახლდა პრეზიდენტ რიჩარდ ნიქსონის დროს აშშ-ის ელჩი აგეროში.
მისი ვაჟი ჯორჯ ბუშ უმცროსი ამერიკის შეერთებული შტატების 43-ე პრეზიდენტი გახდათ.
მიმდინარე წლის 18 აპრილს 92 წლის ასაკში გარდაიცვალა მისი მეუღლე ბარბარა ბუში. უკანასკნელი წლების განმავლობაში 41-ე პრეზიდენტი ჯანმრთელობის პრობლემებს უჩიოდა, ის არა ერთხელ იქნა მოთავსებული სამედიცინო დაწესებულებაში. მათ შორის მისი მეუღლის, ბარბარა ბუშის დაკრძალვიდან მეორე დღესაც.