აშშ-ის საზღვაო ძალების ორი თვითმფრინავი იაპონიის სანაპიროებიდან აღმოსავლეთით ოკეანეში ჩავრდა. ავიაკატასტროფა მაშინ მოხდა, როდესაც ჰაერში ერთ-ერთი თვითმფრინავის საწვავით შევსება ხდებოდა. თვითმფრინავების ბორტზე კატასტროფის დროს სულ შვიდი ადამიანი იმყოფებოდა. ექვსი მათგანი ამ ეტაპზე დაკარგულად ითვლება, ერთი გადაარჩინეს.

ავიაკატასტროფის მიზეზები ჯერ უცნობია. ამ დროისთვის სამაშველო ოპერაცია გრძელდება, რომელშიც ამერიკელი და იაპონელი სამხედროები მონაწილეობენ.

თვითმფრინავები იაპონიაში მდებარე ივკუნის სამხედრო ბაზაზე იყო დისლოცირებული და ისინი დაგეგმილ ფრენას ასრულებდნენ.