ფინანსთა სამინისტრო საქართველოს პრეზიდენტის მიერ სტუდენტებთან შეხვედრის დროს გაკეთებულ განცხადებებს ეხმიანება და მის მიერ მოყვანილ ფაქტებს საბაჟოებზე არსებული ვითარებისშესახებ სიცრუედ მიიჩნევს:

განცხადებაში, რომელიც ფინანსთა სამინისტრომ გაავრცელა, ნათქვამია:

"საქართველოს ფინანსთა სამინისტრო მიმართავს პრეზიდენტ მიხეილ სააკაშვილს - როგორც ჯერ კიდევ ქვეყნის პირველი პირი, მეტი პასუხისმგებლობით მოეკიდოს საკუთარ განცხადებებს და მაშინ, როდესაც რამდენიმე დღის წინ ფინანსთა მინისტრმა ნოდარ ხადურმა მოუწოდა ჩვენს თანამოქალაქეებს საბაჟო სფეროში ნებისმიერი კანონდარღვევის შემთხვევაში, ინფორმაცია დროულად მიეწოდებინათ ფინანსთა სამინისტროსთვის, გამოიჩინოს მოქალაქეობრივი პასუხისმგებლობა და ჩვენს უწყებას მიაწოდოს ინფორმაცია კონკრეტული კანონდარღვევის ან სამოხელეო გადაცდომის შესახებ, წინააღმდეგ შემთხვევაში, მისი განცხადება "საბაჟოებზე არსებული ვითარების შესახებ" ჩაითვლება შეგნებულ პროვოკაციად, საბაჟოზე მომუშავე თითოეული საჯარო მოხელის და ზოგადად, სახელმწიფოს იმიჯის შელახვის მორიგ მცდელობად."