შსს ამ წუთებში ავრცელებს ინფორმაციას, რომ პირები, რომლებმაც 12 სექტემბერს ტვ „იმედში“ ორჯერ დარეკეს და ცრუ შეტყობინება დატოვეს მოსალოდნელი აფეთების შესახებ, არასრულწლოვანნი არიან.

13:35 საათზე განხორციელებული ზარის ავტორი 1998 წელსაა დაბადებული და მარტვილის რაიონში ცხოვრობს. პოლიციამ ის საკუთარ საცხოვრებელ სახლში მიაკითხა და მშობლების თანდასწრებით დაკითხა.

ასევე მშობლების თანდასწრებით დაიკითხა მეორე ზარის ავტორი, რომელიც 112-ში 17:03 საათზე შევიდა. ის თერჯოლის რაიონში ცხოვრობს და 13 წლისაა.