13 სექტემბრის ასტროლოგიური პროგნოზი

ეს საინტერესოა - 23:44, 12 Sep, 2013

3981

ვერძი: კარგი იქნება დღეს თუ შეუდგებით საკუთარ გეგმებში გარკვეული ცვლილებების შეტანას. გადადით მოქმედებაზე. გახსოვდეთ ამა თუ იმ საკითხზე მხოლოდ ნერვიულობა სასურველ შედეგს არ გამოიღებს. იმოქმედეთ ისე, როგორც თავად ჩათვილით საჭიროდ.

კურო: დღეს განსაკუთრებით მოერიდეთ სხვადასხვა უთანხმოებებს. თუ მაინც მოგიწიათ მსგავს სიტუაციაში თავის ამოყოფა, მაქსიმალურად ყურადღებით იყავით და ეცადეთ, არცერთი დეტალი არ გამოგრჩეთ.

ტყუპები: დღეს საკუთარი ფინანსური მდგომარეობა ეკონომიის გაკეთაბას მოგთხოვთ, კარგი იქნება თუ შეძლებთ საკუთარი თავის დაძლევას და დღეს რაც შეიძლება მცირე თანხას დახარჯავთ.

კირჩხიბი: ეცადეთ თქვენს ცხოვრებაში გარკვეული სიახლეები შეიტანოთ. უკანასკნელი დღეების მანძილზე ეს ყოველივე განსაკუთრებით მნიშვნელოვანია. შესაძლოა თქვენმა ერთფეროვანმა ცხოვრებამ თქვენში დეპრესია გამოიწვიოს და ნორმალურად აზროვნების საშუალება არ მოგცეთ.

ლომი: დღეს რაც შეიძლება მოსახერხებელი ტანისამოსი მოირგეთ. დილიდან სხვადახვა შეხვედრებზე სიარული მოგიწევთ, ამიტომ საკუთარ თავში მაქსიმალურად დარწმუნებული უნდა იყოთ და ამ ყოველივეში თქვენი ვიზუალიც უნდა გეხმარებოდეთ.

ქალწული: დილიდან ენერგიის მოზღვავებას იგრძნობთ. დღეს განსაკუთრებით ამაღლებულ ხასიათზე იქნებით, ეცადეთ დღის მეორე ნახევარიც ანალოგიურად წარმართოთ და წვრილმან პრობლემებს თქვენი ხასაითის ცვლილების უფლებას ნუ მისცემთ.

სასწორი: თქვენი გაბედულება გარშემომყოფებისთვის მისაბაძი მაგალითია. თქვენს ირგვლივ მყოფთაგან გარკვეული ნაწილი თქვენს ნაკვალევზე სიარულს ცდილობს. ეს ყოველივე თქვენზე დადებითად მოქმედებს და პოზიტიურ განცდებსაც აღძრავს.

მორიელი: თქვენი ნაზი ხასიათი მოიწონეს მათ, ვინც დღეს თქვენს გარშემო ძალაუფლებას ფლობს. კარგი იქნება, თუ ამ სიტუაციას საკუთარი ინტერესების პროგრესირებისთვის გამოიყენებთ. ეცადეთ გაბედული ნაბიჯების გადადგმას და დაბრკოლებებს ნუ შეუშინდებით. მიუხედავად ამისა, თითოეული ნაბიჯის გადადგმისას კარგად დაფიქრდით.

მშვილდოსანი: შესაძლოა თქვენი ახლობლების რჩევები გაღიზიანებდეთ. ამ შემთხვევაში მიზეზი მხოლოდ საკუთარ თავში ეძებეთ და სხვას ნუ დააბრალებთ თქვენს ნეგატიურ განწყობას. დროა გაიზარდოთ, ნუ იქცევით პატარა ბავშვივით! თქვენს ირგვლივ არსებობს მრავალი პრობლემა, რომელთაც დაუყოვნებლივ მოგვარება ესაჭიროებათ!

თხის რქა: თუ თვლით, რომ ზედმეტად ბევრს ირჯებით სამსახურისთვის, ოჯახისა თუ ახლობლებისთვის, კარგი იქნება თუ თქვენს ცხოვრებაში გარკვეულ პუნქტებს შეცვლით. ეცადეთ რაც შეიძლება დიდი დრო დაუთმოთ საკუთარ თავს და მხოლოდ თქვენი მოთხოვნების დაკმაყოფილებას.

მერწყული: დღეს ხელოვნებას მიჰყავით ხელი. ეცადეთ მოინახულოთ მუზეუმები, საღამოს კი საყვარელ ადამიანთან ერთად რაიმე სპექტაკლს დაესწარით. ეს ყველაფერი აუცილებელია თქვენი სულიერი მდგომარეობისთვის.

თევზები: გახსოვდეთ, რომ არ არის აუცილებელი უთანხმოება ჩხუბში გადაიზარდოს. თქვენ შეგიძლიათ უბრალოდ საკუთარი აზრი დააფიქსიროთ, საწინააღმდეგო შეხედულებას კი მოუსმინოთ და თუ იგი თქვენთვის მიუღებელია უბრალოდ ყურადღება აღარ მიაქციოთ. ამ გზით ცხოვრებას გაიადვილებთ და ზედმეტ პრობლემებსაც არ შეიქმნით.