პარიზის მოსახლეობა საწვავზე ფასების ზრდას აპროტესტებს - აღნიშნულის საწინააღმდეგო „ყვითელი ჟილეტების“ აქცია საფრანგეთის დედაქალაქში დღეს დაიწყო.

სამართალდამცავებს ქალაქის ცენტრალური ნაწილის ქუჩები ბლოკირებული ჰქონდათ. შეტაკების შედეგად 65 ადამიანი დაშავდა, მათ შორის 11 პოლიციელია.

აქციის მონაწილეებმა პოლიციის კორდონის გარღვევა სცადეს, რა დროსაც სამართალდამცავებმა ცრემლსადენი გაზი და წყლის ჭავლი გამოიყენეს. ამ დროისათვის გავრცელებული ინფორმაციის თანახმად ქალაქის ცენტრში 5 ათასმა მანიფესტანტმა მოიყარა თავი.

ოფიციალური ძალოვანი უწყების ინფორმაციით, დაკავებულია 160 ადამიანი.