"პროკურორი ნათია სონღულაშვილი ღელავს, ამ დარბაზის გარეთ ნუ გამამხელთ, რომ წამომცდა და ვაღიარე, რომ მოსამართლე მალხაზ გურულმა შეცდომა დაუშვაო",-წერს ჭიაბერაშვილი "ფეისბუქზე".

მისივე თქმით, პროცედურული დარღვევები რომელიც მოსამართლეებმა დაუშვეს, პროკურატურის ზეწოლის გარეშე ვერ განხორციელდებოდა. "ვანო მერაბიშვილისა და ჩემმა ადვოკატებმა დააყენეს ქუთაისის სასამართლოს სრული შემადგენლობის აცილების საკითხი, რადგან ეჭვს იწვევს სასამართლოს მიუკერძოებლობა. ადვოკატების აზრით, მოსამართლეებმა გურულმა და ახალბედაშვილმა იმგვარი პროცედურული დარღვევები დაუშვეს ჩვენთვის აღმკვეთი ღონისძიების შეფარდებისას, რომ ეს პროკურატურის ზეწოლის გარეშე ვერ მოხდებოდა", - აცხადებს ზურაბ ჭიაბერაშვილი.