"ფონდი ღია საზოგადოება" თურქეთს ტოვებს - მიზეზი ერდოღანის მხრიდან სოროსის დადანაშაულება გახდა

მსოფლიო - 11:52, 27 Nov, 2018

1739

ამერიკელი მილიარდერის ჯორჯ სოროსის „ფონდი ღია საზოგადოება“ თურქეთში თავის საქმიანობას წყვეტს, მას შემდეგ რაც ქვეყნის უმაღლესი ხელისუფლება ფონდის მისამართით მწვავე კრიტიკით გამოვიდა. შესაბამისი განცხადება ფონდის წარმომადგენლობამ გუშინ გაავრცელა. მათი თქმით, ფონდისთვის თურქეთში მუშაობა შეუძლებელი გახდა მას შემდეგ, რაც მედიაში გავრცელებულ უსაფუძვლო განცხადებების სამიზნე გახდა

რამდენიმე დღით ადრე თურქეთის პრეზიდენტმა რეჯეპ ტაიპ ერდოღანმა ამერიკელი ფილანტროპი , ჯორჯ სოროსი ერების გახლეჩვის და მათი სტრუქტურის დამხობის მცდელობაში დაადანაშაულა. ადგილობრივ მედიაში ასევე ხდებოდა იმის ტირაჟირება, რომ ფონდი იდგა იმ საპროტესტო აქციების უკან, რომელიც 2013 წლის მაისში სტამბოლის ცენტრში, ტაქსიმის მოედანზე იმართებოდა, შემდეგ კი სხვა ქალაქებშიც გავრცლდა.

ერდოღანი ირწმუნება, რომ სოროსი მხარს უჭერდა ოსმან კავალს, რომელიც მსხვილი ბიზნესმენი და არაკომერციული ორგანიზაცია Anadolu Kültür-ის ხელმძღვანელია და უკვე ერთ წელზე მეტია ოფიციალური ბრალდების წარდგენის გარეშე ციხეში იმყოფება. კავალს თურქეთის ხელისუფლება იმ ადამიანების დაფინანსებაში ადანაშაულებს, რომლებიც 2016 წლის ზაფხულში, ვერშემდგარი სახელმწიფო გადატრიალებაში მონაწილეობდნენ.

სოროსის ფონდი მათი მისამართით გაჟღერებულ ბრალდებებს უარყოფს,

"ფონდი ღია საზოგადოება" დაარსდა ადრეულ 1990-იან წლებში, ის მხარს უჭერს მსოფლიოს გარშემო სამოქალაქო ჯგუფებისა და სამართლის, განათლების, საზოგადოებრივი ჯანდაცვის და თავისუფალი მედიის გაძლიერებას.