დედამ 2 თვის ჩვილი გოგონა მანქანიდან გადმოაგდო და შემდეგ თავის მოკვლა სცადა

მსოფლიო - 18:32, 22 Nov, 2018

4072

ინდონეზიის კუნძულ ბალის პოლიცის ცნობით, 2 თვის ჩვილი გოგონა, რომელიც დედამ მოძრავი მანქანიდან გადმოაგდო, გარდაიცვალა. ამავე ინფორმაციით, ამ შემზარავი ფაქტის შემდეგ მანქანიდან დედაც გადმოხტა და თავის მოკვლა სცადა.

ჩვილი ქალაქ დეპასარის მცხოვრებლებმა ბავშვი გზის მახლობლად იპოვეს და საავადმყოფოში გადაიყვანეს. ბავშვი რამდენიმე საათში გარდაიცვალა. ამ ადგილიდან ერთ კილომეტრში მანქანიდან გადმომხტარი დედა, 32 წლის ნიკოლ სტასიოც ნახეს. პოლიციამ ქალის დაკითხვა ჯერჯერობით ვერ შესძლო, რადგან ტრამვებისა და მძიმე დეპრესიის გამო იგი ჰოსპიტალიზებულია.

ნიკოლი კალიფორნიაში ცხოვრობს, გათხოვილი არ არის. იგი ბალიზე ივლისის შემდეგ მშობლებთან ჩავიდა და კუნძულზე ჩასვლისას ორსულად იყო. მან მშობლებს არ გაუმხილა ბავშვის მამის ვინაობა. ბავშვი სექტემბერში დაიბადა, ხოლო ნიკოლის მშობლებმა კუნძული იქამდე დატოვეს და აშშ-ში დაბრუნდნენ.

მანქანის მძღოლმა და გიდმა, რომელიც დედასთან ერთად იმყოფებოდნენ პოლიციას განუცხადეს, რომ მათ ქალი და ბავშვი ბალის საერთაშორისო აეროპორტში მიიყვანეს, რათა აშშ-ში გაფრენილიყო, მაგრამ ქალმა მოულოდნელად გადაიფიქრა და მძღოლს უკან დაბრუნება სთხოვა. მოწმეების განცხადებით, ქალი მანქანიდან გაფრთხილების გარეშე გადახტა, ხოლო რა მოუვიდა ბავშვს მათ არ დაუნახიათ.