შერემეტევოს აეროპორტში, თვითმფრინავი, აფრენისას, სომხეთის მოქალაქეს შეეჯახა

მსოფლიო - 17:28, 21 Nov, 2018

3625

მოსკოვში, "შერემეტევოს" აეროპორტში, 20 ნოემბერს, თვითმფრინავმა Boeing 737- რომელიც მოსკოვიდან ათენში მიფრინავდა, ასაფრენ ზოლზე მამაკაცს შეეჯახა. დაღუპული 25 წლის სომხეთის მოქალაქე ალბერტ ეფრემიანია. საგამოძიებო კომიტეტმა და პროკურატურამ გამოძიება დაიწყო.

"20:10 სთ. მოსკოვის დროით, თვითმფრინავის ეკიპაჟმა სადისპეჩეროს აცნობა, რომ მოხდა ით,მფრინავის შეჯახება უცნობ ობიექტთან. შესაბამისიმა სამსახურებმა, ტერიტორიის დათვალიერებისას აღმოაჩინეს მამაკაცის სხეული, ტანსაცმელი და სხვა პირადი ნივთები," - ნათქვამია აეროპორტის განცხადებაში.

ექსპერტიზის შედეგად გაირკა, რომ მამაკაცის სიკვდილი თვითმფრინავის შასის ვერტიკალური ღერძის შეჯახების შედეგად დადგა.

Интерфакс-ის წყაროს ცნობით, მამაკაცი ესპანეთიდან იყო დეპორტირებილი სომხეთში, მოსკოვის გავლით და მან გზაში დებოშიც მოაწყო. მადრიდის რეისის დაჯდომის შემდეგ, თვითმფრინავში პოლიციელები ავიდნენ, რომელთაც მამაკაცი დააკავეს. მათ იგი იმ გასასვლელ კარებთან მიიყვანეს, საიდანაც ერევნის რეისზე მგზავრობის ჩასხდომა ხდებოდა, მაგრამ ავტობუსში ასვლის მაგივრად მამაკაცი ასაფრენ ზოლზე გაიქცა, რასაც ვიდეოდაკვირვების კამერებიც ადასტურებენ.

შემთხვევიის შედეგად დროებით დაიკეტა აეროპორტ "შერემეტევოს" ორი ასაფრენი ზოლიდან ერთერთი, რის გამოც რამდენიმე რეისი დაგვიანებით განხორციელდა. ათენში დაფრენის შემდეგ, ბერძენმა სამართალდამცველებმა, Интерфакс-ის ცნობით, თვითმფრნავის შასის ღერძზე ადამიანთან შეჯახების კვალი აღმოაჩინეს, ხოლო ფიუზელაჟზე - მცირე დაზიანებები. თვითმფრინავი ფრენებიდან დროებით მოხსნეს.