რუსეთში, ქალაქ საფონოვოში 14 წლის გოგონამ, რომელმაც პუტინს წერილი მისწერა, თავი მოიკლა. შეგახსენებთ, წერილშ იგი პუტინს დედის დაბალი ხელფასის გამო უჩიოდა.

სმოლენსკის სახალხო გაზეთის ცნობით, გოგონას დედა, რომელიც ქალაქის საავადმყოფოში სანიტრად მუშაობდა, წერილის დაწერის შემდეგ ხელმძღვანლობამ დაიბარა და გამოლანძღა. ეს გოგონასთვის მძიმე დარტყმა აღმოჩნდა.

ადგილობრივი მედიის ცნობით, გოგონა ბულინგის მსხვერპლიც იყო. მას მხედველობა დაქვეითებული ჰქონდა და კლასლები "ციკლოპს" ეძახდნენ. სუიციდამდე რამდენიმე ხნით ადრე მის გვერდზე სოცქსელებში გამოჩნდა სტატუსი - "რატომ ხართ ასეთი ბოროტები"...

აღსანიშნავია, რომ უცნობია, მიუვიდა თუ არა პუტინს პირადად ეს წერილი.