თემურ შაშიაშვილის მიმართვა საზოგადოებას

საზოგადოება - 16:42, 28 Sep, 2012

3890

საქართველოში დიდი ხანია უბედურება ტრიალებს, მოსახლეობის სრული გენოციდი ნაციონალებმა პრაქტიკულად ხელისუფლებაში მოსვლისთანავე დაიწყეს... ადამიანთა ფიზიკური წამების გარდა „ნაცმოს“ სექტა საქართველოს მოსახლეობას დიდი ხანია ფსიქოლოგიურად „ამუშავებს“ , სხვას ვერაფერს მივაწერ დღეს ქვეყანაში ამ რეჟიმის მომხრეთა არსებობას.მე ვარ შეძრული სულით ხორცამდე ბესო სურმავას მეუღლის განცხადებით, რომ „ბესო თავის თავს არ ჰგავდა საუბარში, იგი ნარკოტიკული ზემოქმედების ქვეშ იმყოფებოდა“. ფაქტია რომ მმართველი პარტია პოზიციების დათმობას არ აპირებს, ფაქტია, რომ ისინი ჩვეული სადიზმით აგრძელებენ ე.წ. „ მუშაობას“, რომლის მთავარი პრინციპია მოსმენა-დასმენა-წამება... ყველა ეს მასალა, რომელიც აგონიაში მყოფმა რეჟიმმა გაავრცელა არის სრული ფაბრიკაცია, რეჟიმი ითვლის უკანასკნელ საათებს. დარწმუნებული ვარ, პირველ ოქტომბრამდე ბევრი მსგავსი ინფორმაცია გავრცელდება მათი მხრიდან,მაგრამ მე ეს არ მაოცებს, მე მზარავს იმის წარმოდგენაც კი , რომ „ნაცმოს“ სექტას მხარდაჭერთა იმედი ისევ აქვს, თუმცა ასევე მზარავს იმ ადამიანთა სულიერი მდგომარეობა, ვინც იძულებულია მათ სასარგებლოდ დააფიქსიროს თავისი მოქალაქეობრივი პოზიცია.მე ვიცი, როგორი წნეხის ქვეშ იმყოფება ყველა მშობელი, ვისი შვილიც პატიმარი, ან პრობაციონერია, მიჭირს მათი განსჯა, მაგრამ თავს უფლებას მივცემ და ვეტყვი - თუ ამ რეჟიმის არსებობას ჩვენ, ყველანი ერთად არ დავამთავრებთ 1 ოქტომბერს, თქვენი შვილები გაცილებით უარეს მდგომარეობაში აღმოჩნდებიან, მხოლოდ ეშმაკმა იცის გაყოყოჩებული სააკაშვილი დამისი სექტა რას მოიმოქმედებს.რეჟიმი, რომელმაც დასმენის და ჭორების გავრცელების ინსტიტუტი შექმნა და დააკანონა, უნდა დამთავრდეს. დიიდ ილია წერდა - „ქართულ სულს ჭორი ჰკლავსო“ და თუ ამ ჭორის ჭაობიდან ვერ ამოვალთ, საქართველო დაასრულებს არსებობას.ნუ დაეხმარებით მათ არჩევნების გაყალბებაში, ჩემო თანამოქალაქენო, ეს იმიტირებული და ანგაჟირებული შეხვედრები მათ მხოლოდ არჩევნების გასაყალბებლად სჭირდებათ, თავიანთი ე.წ. მომხრეების სიმრავლის დასამტკიცებლად სჭირდებათ. დემოკრატიული სამყაროს დასანახად ეს სიმრავლე მისცემს მათ საშუალებას გაახანგრძლივონ მკვლელთა და ჯალათთა რეჟიმი, რომლის თავკაცები ქართული მენტალიტეტის შეცვლაზე მიუთითებდნენ და გვიცვლიან კიდევაც „გვაპეტუხებენ“, გვათახსირებენ, სჯულს გვიგინებენ საზოგადოებასა კი შევახსენებ, რომ „ნაცებს:“ ახალი არაფერი ჩაუდენიათ, 26 მაისის ცნობილი ღამე ასეთი სისხლიანი და ძალადობრივი აქტებით იყო სავსე, მაგრამ საზოგადოება მაშინ სდუმდა ერი და ბერი რომ ერთად დამდგარიყო იმ დღეს, რამდენი ადამიანი გადარჩებოდა იმ სადისტურ მოპყრობას თუნდაც ციხეში გიფიქრიათ ამაზე?!და თუ მართლაც არ დავცვედნებულვართ, ვიფიქროთ იმაზე, რომ მთავარი ბრძოლა წინ გველოდება, გამარჯვებამდე სულ მცირე დროა დარჩენილი და ვისაც ჰგონია, რომ „ნაცმოს“ სექტა საქართველოდან გასაქცევად ემზადება, ძალიან სცდება...ფრთხილად, ქართველებო, ხიბლში ნუ ჩავარდებით ჩვენ სრულად არ ვიცით, რა მზაკვრული გეგმა იხლართება ჯალათების ტვინში...ფრთხილად, ქართველებო! 1 ოქტომბერს დავდგეთ ყველანი ერთად და ერთად დავამთავროთ ნაციონალური საგიჟეთი რათა ერთად შევქმნათ ისეთი საქართველო, რომ ვერასოდეს ვერავინ გაბედოს ჩვენი ჩათრევა დასმენებისა და ჭორების ჭაობში.