ის 11 სექტემბერს, 13 საათზე, ინტერნეტ-ტელევიზია იტვ-ს ოფისში გახმიანდება. მოკლული ზუკა ტარყაშვილის დედა გიორგი მარგველაშვილის ოჯახის წევრს შვილის მკვლელობაში ადანაშაულებს.

შეგახსენებთ, რომ ზუკა ტარყაშვილი 2011 წლის 17 ოქტომბერს, რუსთაველის გამზირზე მოკლეს. გარდაცვლილი მთაწმინდაზე ცხოვრობდა, სადაც თვითმხილველების განცხადებით, ხუთი შეიარაღებული მამაკაცი დახვდა და სროლა დაუწყო, თუმცა გარდაცვლილმა გამოქცევა მოახერხა და გრიბოედოვის ქუჩიდან რუსთაველის გამზირზე ჩამოვიდა.

თავდამსხმელები მას ფეხდაფეხ, სროლით მოჰყვებოდნენ. ზუკა ტარყაშვილს, საერთო ჯამში, თერთმეტი ტყვია მოხვდა, აქედან სამი - თავში, რამაც მისი გარდაცვალება გამოიწვია. ამ დროისთვის ხუთი თავდამსხმელიდან მხოლოდ ორია დაკავებული.