როგორც საბაჟო გამშვებ პუნქტ "ყაზბეგის" გახსნამდე ჟურნალისტებს რეგიონული განვითარებისა და ინფრასტრუქტურის მინისტრმა დავით ნარმანიამ განაცხადა, აღნიშნული გზა მძიმე მდგომარეობაშია და სამინისტრომ პროექტის მომზადება უკვე დაიწყო.

"ჩვენს საბაჟოსა და რუსეთის ფედერაციის საბაჟოს შორის არსებობს ნეიტრალური ტერიტორია, რომელზეც გასაკეთებელია გზა. ის ძალიან მძიმე მდგომარეობაშია. აქედან გამომდინარე, ჩვენ საპროექტო ორგანიზაციის მეშვეობით უკვე დავიწყეთ პროექტის მომზადება. როგორც კი ის მზად იქნება, კილომეტრნახევრიანი მონაკვეთი ჩვენი მხრიდან აუცილებლად იქნება გაკეთებული. ვვარაუდობთ, რომ ეს ოქტომბერში მოხდება. მანამდე პროექტი დაიდება სრული მოცულობით. აღნიშნულ სამუშაოებს შეასრულებს სახელმწიფო კომპანია, რომელიც კობი-გუდაურის გზაზე მუშაობს", - განაცხადა დავით ნარმანიამ. მისივე განმარტებით, სახელმწიფოს ზედმეტი დანახარჯის გარეშე აქვს შესაძლებლობა, რომ გააკეთოს გზის ეს მონაკვეთი. რაც შეეხება საქართველო-რუსეთის საზღვარზე განახლებულ საბაჟო-გამშვებ პუნქტ "ყაზბეგს", ის დღეს გაიხსნება. ღონისძიებას დავით ნარმანიას გარდა ფინანსთა მინისტრი ნოდარ ხადური, ეკონომიკის მინისტრი გიორგი კვირიკაშვილი, სოფლის მეურნეობის მინისტრი შალვა ფიფია და ხელისუფლების სხ