აშშ-ის პრეზიდენტი დონალდ ტრამპი კონგრესის შუალედურ არჩევნებში დამარცხებას დემოკრატების მიერ მოწყობილ ფალსიფიკაციებს და "კარუსელს" აბრალებს.
"რესპუბლიკელების დამარცხება უკანონო ხმების ბრალია," - განუცხადა აშშ-ის პრეზიდენტმა გამოცემა Daily Caller-ს.
"საარჩევნო უბნებთან რიგში იდგნენ ადამიანები, რომლებსაც ხმის მიცემის უფლება არ ჰქონდათ. ისინი წრეზე დადიოდნენ, ხმას აძლევდნენ, შემდეგ ბრუნდებოდნენ მანქანასთან, იხურავდნენ სხვა ქუდს, იცვლიდნენ პერანგს და კვლავ ხმის მისაცემად შედიოდნენ," - აცხადებს ტრამპი და საარჩევნო ID მოწმობის შემოღების აუცილებლობაზე საუბრობს.
მისი თქმით, თუ ვინმე მაღაზიაში რაიმე პროდუქტს იყიდის, მას უკვე შეუძლია აიღოს ე.წ. ამომრჩევლის ბარათი. ტრამპისთვის ეს წესი მიუღებელია და თვლის, რომ აუცილებელია ამ მიმართულებით კანონმდებლობის გამკაცრება.
ტრამპის თქმით, დემოკრატები ამ საკითხს თითიდან გამოწოვილი მიზეზებით ეწინააღმდეგებიან და აცხადებენ, რომ თითქოს ეს ეთნიკურ უმცირესობას არჩევნებში მონაწილეობას შეუზღუდავს.
მასალის გამოყენების პირობები






