ადვოკატის ინფორმაციით რეზო ხარძიანმა ვიდეოთვალი გლდანის მეორე საპყრობილეში საკუთარ საკანში აღმოაჩინა და წინასასამართლო სხდომაზე წარადგინა. მაია ლიპარტელიანი დღეს პროკურატურაში განცხადების შეტანას გეგმავს, რათა გამოიძიონ თუ რისთვის იყო ვიდეო თვალი დამონტაჟებული. სასჯელაღსრულების დეპარტამენტში კი განმარტავენ, რომ ვიდეოთვალი, რომელიც პატიმარმა აღმოაჩინა დიდიხანია აღარ ფუნქციონირებს და უწყებაში ყველა უკანონო სათვალთვალო კამერის დემონტაჟი ხორციელდება:

"წინასასამართლო სხდომაზე რეზო ხარძიანმა თვითონ წარმოადგინა სათვალთვალო კამერა და განაცხადა, რომ ეს იყო ამოღებული მე-15 საკნიდან. აღნიშნულთან დაკავშირებით შედგა ოქმი, უნდა მივმართო საქართველოს მთავარ პროკურორს, რომ ამ ფაქტთან დაკავშირებით დაიწყოს სისხლისსამართლებრივი დევნა, კერძოდ, გამოკვლეული იქნეს ეს კამერა არის თუ არა სათვალთვალო". - განაცხადა მაია ლიპარტელიანმა.