საქართველოს მიერ ასოცირების შეთანხმების შესრულების ანგარიშს ევროპარლამენტმა მხარი დაუჭირა

პოზიცია - 09:33, 15 Nov, 2018

1051

საქართველოს მიერ ასოცირების შეთანხმების შესრულების ანგარიშს ევროპარლამენტმა მხარი დაუჭირა.

შედეგები ასეთია: 528 - 97-ის წინააღმდეგ, ხოლო 34-მა თავი შეიკავა.

ევროპარლამენტის პლენარულ სესიაზე 13 ნოემბერს საქართველოს მიერ ასოცირების შეთანხმების შესრულების შესახებ ანგარიში განიხილეს, რომლის ავტორიც ევროპარლამენტის დეპუტატი ანდრეს მამიკინსია.

ანგარიშში, 229 შესწორება შევიდა, რუსეთი, როგორც ოკუპანტი ქვეყანა ისეა მოხსენიებული. ანგარიშში მოხვდა, მათ შორისაა მედიაპრულარიზის საკითხი, მათ შორის რუსთავი2-ის საქმე, აფგან მუხთარლის გატაცება, არჩილ ტატუნაშვილის მკვლელობა და "ტატუნაშვილი-ოთხოზორიას სია", ცალკე პუნქტი ეთმობა საპრეზიდენტო არჩევნების პირველ ტურს და სავარაუდო ადმინისტრაციული რესურსის გამოყენებას. საუბარია მაღალი თანამდებობის პირების მხრიდან არასმთავრობო ორგანიზაციებზე თავდასხმების შესახებ. ხაზგასმულია ასევე, რომ სიღარიბე საქართველოსთვის ყველაზე მნიშვნელოვან გამოწვევად რჩება. ერთ-ერთი ბოლო შესწორების შედეგად დოკუმენტში მოხვდა ვანო მერაბიშვილის საქმეც. დოკუმნეტში შეშფოთებაა გამოთქმული შავი ზღვის საერთაშორისო უნივერსიტეტზე განხორციელებული ზეწოლის გამო.

რეზოლუციის პროექტში აღნიშნულია, რომ ევროკავშირი ეთანხმება ვენეციის კომისიის დადებით შეფასებას საქართველოს საკონსტიტუციო რეფორმასთან დაკავშირებით, თუმცა მწუხარებას გამოთქვამს, რომ სრულად პროპორციულ საარჩევნო სისტემაზე გადასვლა 2024 წლამდე გადაიდო.

ანგარიშში გამოთქმულია ევროპარლამენტის მზადყოფნა, დაეხმაროს საქართველოს რეფორმების პროცესში.