სმიტების ოჯახის მკვლელობის საქმე - მალხაზ კობაურის ადვოკატი ლექსო კობაიძე საქმეში ნაფიცი მსაჯულების ჩართვას ითხოვს.

ადვოკატი კობაურისთვის ბრალის დამძიმებას არ ეთანხმება. კობაურს ბრალი ლორა სმიტის გაუპატიურებისთვისაც წარუდგინეს. უფლებადამცველის თქმით, ბრალის დამძიმების გადაწყვეტილების მისაღებად, პროკურატურას არავითარი მტკიცებულება არ გააჩნდა.

„თუ აქამდე მკვლელობის მოტივი იყო შელაპარაკება იარაღის გამო, ეს მოტივი გაქრა და ახლა საუბარია იმაზე, რომ თურმე კობაურმა ლორა სმიტი გაიტყუა და ქალი საათ-ნახევრის განმავლობაში ელოდებოდა თავისი ქმრისა და ბავშვის დაბრუნებას. ეს სრული აბსურდია. იმედი გვაქვს, ნაფიცი მსაჯულები არსებულ მტკიცებულებებზე მოახდენენ ორიენტირებას“, – განაცხადა ლექსო კობაიძემ.