"მივმართავ იმათ, თავდაცვის სამინისტროში... ერთი დღე ჯარში რომ არ უმსახურიათ... თადარიგის გენერალს აქვს უფლება გააკეთოს ნებისმიერი განცხადება... და სიკვდილამდე მუნდირის ტარების უფლება"

"მივმართავ იმათ, თავდაცვის სამინისტროში... ერთი დღე ჯარში რომ არ უმსახურიათ... თადარიგის გენერალს აქვს უფლება გააკეთოს ნებისმიერი განცხადება... და სიკვდილამდე მუნდირის ტარების უფლება" - ირაკლი ქურასბედიანი

სოც.მედია - 01:15, 10 Nov, 2018

9030

გენერალ დევი ჭანკვეტაძის მიერ გაკეთებულ განცხადებას, რომ მისთვის მიუღებელია ის პრეზიდენტი, ვინც თავის ქვეყანას ომში დაადანაშაულებს, გამოხმაურება მოჰყვა ხელისუფლების მხრიდან. მათ შორის გენერლის ეს განცხდება გააკრიტიკა თავდაცვის სამინისტრომ, უწყებაში განაცხადეს, რომ სამხედრო პირს არ აქვს უფლება გააკეთოს პოლიტიკური განცხადებები.
თავდაცვის უწყების ამ განცხადებას ფეისბუქის გვერდზე ემხაურება საქართველოს თავდაცვის სამინისტროს სამხედრო დაზვერვის დეპარტამენტის ყოფილი უფროსი, ვიცეპოლკოვნიკი ირაკლი ქურასბედიანი:

"ოეე თავდაცვა!
ეხლა არ აურიოთ გენერალურ შტაბს და სამხედრო ძალებს არ მივმართავ!
იმათ - თავდაცვის სამინისტროში, რომ არიან გალსტუხებით და ერთი დღე ჯარში არ უმსახურიათ!
ოფიცერი - (მითუმეტეს გენერალ) სანამ სასამართლომ რაიმე სასჯელის ფორმით არ ჩამოართვა წოდება, ყოველთვის რჩება მის ჩინში ლეიტენანტი იქნება თუ გენერალი (ისე ასეთი რამისთვის სამხედრო ტრიბუნალი, სასამართლო უნდა არსებობდეს თავისი სამხედრო მოსამართლით, პროკურორით და ადვოკატით - სამხედრო ოფიცრები!! მაგრამ ეს წინა მთავრობის მიქარვაა ჯერ კიდევ)
ჰოდა თადარიგის გენერალს - რომელიც სწორედ ისეთივე გენერალია როგორიც მოქმედი გენერალი! და ნებისმიერმა მოქმედმა მასზე უმცროსმა ოფიცერმაც კი მას მხედრული სალმით უნდა მიმართოს!!! აქვს უფლება გააკეთოს ეგრეთწოდებული პოლიტიკური განცხადება და გამოთქვას თავისი აზრი არჩევნებზე, გლობალურ დათბობაზე თუ გენდერულ თანასწორობაზე, ვინაიდან იგი არაა მოქმედ თანამდებობაზე...
ასე რომ პოლიტიკურ პროცესებში თავად ერთვებით ამ განცხადებით!
არსად არ უთქვია ბატონ გენერალ ჭანკოტაძეს (ასე უნდა მიმართოთ და მოიხსენიოთ, არა დევის, გამო თუმცა თავისი გავლილი ცხოვრებით იმსახურებს დიდ პატივისცემას, არამედ ქართველი გენერლის მუნდირის ღირსების გამო, პიროვნულად მომწონს თუ არა ყველა ყოფილ გენერალს ასე მივმართავდი და მივმართავ) რომ მოქმედი ოფიცერია და ასე შემდეგ, რა სისულელეებიც ამ განცხადებაში დაწერეთ..
ჰო კიდევ - ოფიცერს და მითუმეტეს გენერალს, (შესაბამისი აღნიშვნით) სიკვდილამდე აქვს მუნდირის ტარების უფლება..
სად შეიკრიბეთ ვაახ..." - წერს ირაკლი ქურასბედიანი.