"საკმარისია შეხედოთ რუსულ საინფორმაციო საშუალებებს და მიხვდებით ვინ არის პრორუსი კანდიდატი"- ანდრეი ილარიონოვი ზურაბიშვილზე და კრემლის პოლიტიკაზე საუბრობს

პოზიცია - 12:37, 09 Nov, 2018

3012

ქართველმა და უცხოელმა ექსპერტებმა დღეს საგანგებო ბრიფინგი გამართეს, სადაც რუსული ოკუპაცისა და 2008 წლის აგვისტოს ომზე ისაუბრეს.
ამერიკული ორგანიზაცია "კატონის" უნივერსიტეტის ექსპერტი, პოლიტოლოგი ანდრეი ილარიონოვი ამბობს, კითხვაზე - ვინ არის კრემლის მხრიდან მხარდაჭერილი კანდიდატი, პასუხი მარტივია და ის რუსული მედიასაშუალებებიდან და არასამთავრობო ორგანიზაციების შეფასებებიდან თვალსაჩინოდ ჩანს.

პოლიტოლოგი ამბობს, რომ კრემლის მიერ მართული მედიასაშუალებები აგრესიულები არიან გაერთიანებული ოპოზიციის საპრეზიდენტო კანდიდატის, გრიგოლ ვაშაძის მიმართ.

„საკმარისია შეხედოთ რუსულ საინფორმაციო საშუალებებს და კითხვების ადგილი აღარ რჩება. ან იმ განცხადებებს, რომელსაც გამუდმებით აკეთებენ დსთ-ს ახალი სახელმწიფოებრივი ინსტიტუტი და სხვა კვლევითი ცენტრები.

ეს სულ კრემლის დაფინანსებული ორგანიზაციებია. შეხედეთ მათ განცხადებს. პანიკაში არიან მის გამო რომ საქართველოში საპრეზიდენტო არჩევნები შეიძლება ვაშაძემ მოიგოს. მათთვის ეს რეალური კატასტროფაა, ამას არც მალავენ. ცხადია ვისაც უჭერს მოსკოვი მხარს. ეს ჩემი პოზიცია არ არის , თვითონ ამბობენ. რაც შეეხება ზურაბიშვილის განცხადებებს, როგორ შეიძლება თეთრზე შავი თქვა. რეალობაა საქართველოს ტერიტორიის 20% ოკუპირებულია. იქ განლაგებულია რუსეთის რეგულარული არმია. სამწუხარო რეალობაა, მაგრამ ყველაფერს სახელი უნდა დაერქვას. პრობლემების მოგვარება შეიძლება სწორი დიაგნოზის დაცვით,“- განაცხადა ანდრეი ილარიონოვიმა.

საქართველოს სტრატეგიული ანალიზის ცენტრის დამფუძნებლის ნოდარ ხარშილაძის განცხადებით, კრემლთან დაახლოებული არასამთავრობო ორგანიზაციები პირდაპირ საუბრობენ იმაზე, რომ მათთვის მისაღებია სალომე ზურაბიშვილი და მიუღებელია გრიგოლ ვაშაძე.

"სალომე ზურაბიშვილის მხარდაჭერა მოსკოვში აშკარაა, განცხადებები ოფიციალური პირების. მთავრობასთან არსებული არასამთავრობო ორგანიზაციები პირდაპირ საუბრობენ, რომ მისაღებია ზურაბიშვილის კანდიდატურა და მიუღებელია ვაშაძე. ეს ფაქტია, ეს არ არის ვინმეს აზრი. გეოპოლიტიკურად კიდევ უფრო დაამძიმებს მდგომარეობას რაც დღეს საქართველოს აქვს ზურაბიშვილის არჩევა იქიდან გამომდინარე, რომ რუსეთი გაიმაგრებს თავის პოზიციებს,“-განაცხადა ნოდარ ხარშილაძემ.

თორნიკე შარაშენიძე კი მიიჩნევს, რომ სალომე ზურაბიშვილი ხშირად აკეთებს განცხადებებს მიხეილ სააკაშვილის ჯიბრზე.

"სალომეს განცხადებები, რომელსაც ის ხშირად სააკაშვილის ჯიბრზე აკეთებს წყალს მოსკოვის წისქვილზე ასხამს. რუსეულ მედიაში არ მალავენ იმას, რომ მაინცდამაინც არ მოსწონთ ვაშაძის კანდიდატურა, რადგან მის უკან ხედავენ ერთი- სააკაშვილს, რაც მათთვის ბუნებრივია მიუღებელია და მეორე-თუ იმარჯვებს ოპოზიცია, ეს დემოკარტიზაციის პროცესია, რაც კრემლს არ აწყობს"- ამბობს შარაშნიძე.