ისტორიაში პირველად, აშშ-ის კონგრესში ორი მუსლიმი ქალი აირჩიეს

მსოფლიო - 16:56, 07 Nov, 2018

2397

ამერიკის შეერთებულ შტატებში შუალედური არჩევნების შედეგებს აჯამებენ.

აშშ-ის 6 ნოემბრის შუალედურ არჩევნების წინასწარი შედეგებით, “რესპუბლიკური პარტია” სენატზე კონტროლს ინარჩუნებს, წარმომადგენლობით პალატაში კი პირველად ბოლო 8 წლის განმავლობაში უმრავლეობაში “დემოკრატები” იქნებიან.

2018 წლის 6 ნოემბრის არჩევნებზე ამერიკის მოქალაქეებმა წარმომადგენელთა პალატის ყველა – 435 წევრი და 35 სენატორი აირჩიეს.
ამერიკის შეერთებული შტატების კონგრესში, პირველად ისტორიაში, ორი მუსლიმი ქალი აირჩიეს. წინასწარი შედეგების საფუძველზე ირკვევა, რომ ქვეყნის უმაღლეს საკანონმდებლო ორგანოში მინესოტასა და დეტროიტის შტატების წარმომადგენლები მუსლიმი ქალები იქნებიან.

მინესოტელი პოლიტიკოსი ილჰან ომარი წარმოშობით სომალელია. მან ომის დაწყების შემდეგ დატოვა ქვეყანა ოჯახთან ერთად და ოთხი წლის განმავლობაში კენიაში, ლტოლვილთა ბანაკში ცხოვრობდა, შემდეგ კი აშშ-ში გადავიდა საცხოვრებლად.

დეტროიტის შტატის წარმომადგენელი დემოკრატიული პარტიიდან რაშიდ ტლაიბი წარმოშობით პალესტინელია. ამერიკის შეერთებულ შტატებში საცხოვრებლად მისი მშობლები მის დაბადებამდე გადავიდნენ.