ტრამპი-პუტინის შეხვედრა ემანუელ მაკრონმა ჩაშალა

მსოფლიო - 15:32, 07 Nov, 2018

3059

ამერიკის შეერთებული შტატების და რუსეთის პრეზიდენტები, დონალდ ტრამპი და ვლადიმირ პუტინი 11 ნოემბერს სრულფასოვანი შეხვედრის გამართვას ვერ შეძლებენ. მოლაპარაკებები პარიზში პირველი მსოფლიო ომის დასრულების 100 წლისთავის აღსანიშნავი ღონისძიებების ფარგლებში უნდა გამართულიყო. შეხვედრის გადადების შესახებ თავად ტრამპმა გაანცხადა, მისი თქმით. პუტინთან მოლაპარაკებები შესაძლოა გაიმართოს „დიდი ოცეულის“ სამიტის ფარგლებში, რომელიც 30 ნოემბერი -1 დეკემბერი პერიოდში არგენტინაში გაიმართება.

ის ფაქტი რომ პარიზში ორი ლიდერის სრულფასოვანი შეხვედრა ვერ მოხერხდება დაადასტურეს კრემლშიც. რუსეთის პრეზიდენტის პრესმდივანმა დმიტრი პესკოვმა დაუშვა შესაძლებლობა, რომ პუტინი და ტრამპი ღონისძიებების ფარგლებში შესაძლოა გადაიკვეთნონ და მცირეხნიანი საუბარი შედგეს.

პირველი მსოფლიო ომის დასრულების 100 წლისთავის იუბილესთან დაკავშირებით პარიზში რამდენიმე ათეული ქვეყნის ლიდერი შეიკრიბება.

როგორც უცხოური მედია დიპლომატიურ წყაროებზე დაყრდნობით წერს, ორი პრეზიდენტის გეგმებში მესამე- მასპინძელი პრეზიდენტი ჩაერია, ემანუელ მაკრონმა ჩათვალა, რომ სამიტისა და პუტინი-ტრამპის შეხვედრის ირგვლივ ატეხილ ხმაურს, შესაძლოა საიუბილეო ღიონისძიებები დაეჩრდილა და შეხვედრის გადადება მოითხოვა.