აშშ-ის შუალედური არჩევნების წინ, Facebook-მა სავარაუდოდ უცხო სახელმწიფოებთან დაკავშირებული 115 საეჭვო ანგარიში დაბლოკა.

როგორც სოციალური ქსელის კიბერუსაფრთხოების სამსახური იტყობინება, საეჭვო ანგარიშების შესახებ კომპანიას გამოძიების ფედერალურმა ბიურომ აცნობა. აღსანიშნავია, რომ საეჭვო ანგარიშების ნაწილი რუსულ და ფრანგულ ენებზე იყო.

არჩევნები აშშ-ში 6 ნოემბერს გაიმართება. აშშ-ში შუალედური არჩევნებზე, რომელიც 2 წელიწადში ერთხელ ტარდება, სრულად გადაირჩევენ აშშ-ის წარმომადგენლობით პალატას, ასევე სენატორების მესამედს. გარდა ამისა, 39 შტატში ახალ გუბერნატორებს აირჩევენ.