Victoria's Secret-ის 2018 წლის ბრილიანტის ბიუსტჰალტერს ელსა ჰოსკი მოირგებს (ფოტოები)

შოუ ბიზნესი - 10:18, 06 Nov, 2018

2686

Victoria's Secret-ის 2018 წლის ბრილიანტის ბიუსტჰალტერს, 29 წლის შვედი ანგელოზი ელსა ჰოსკი მოირგებს.

ბრილიანტის ბიუსტჰალტერი სახელწოდებით, Dream Angels Fantasy Bra შექმნილია სვაროვსკის 2100 ბრილიანტის თვლისგან. მისი ღირებულება ღირებულება 1 მლნ აშშ დოლარს შეადგენს.
აღსანიშნავია, რომ წლევანდელი ბრა ძალიან მოკრძალებულია, რადგან ის ერთ-ერთი ყველაზე დაბალი ღირებულების მქონეა Victoria's Secret-ის ისტორიაში.
ყოველწლიურად, შოუსთვის ბრილიანტის ბიუსტჰალტერი ერთ-ერთი მთავარი ინტრიგაა. განსაკუთრებულად ხდება იმ მოდელის შერჩევაც, რომელსაც ეს პატივი ხვდება წილად. ყველაზე ძვირადღირებული ბრა შეუდარებელ ჟიზელს ეცვა 2000 წელს, ბრილიანტის ბიუსტჰალტერის ღირებულება 15 მილიონ დოლარს შეადგენდა.

Victoria's Secret Fashion Show წელს, 8 ნოემბერს, ნიუ-იორკში გაიმართება, სატელევიზიო პრემიერა კი 2 დეკემბერს შედგება. ცოტა ხნის წინ იმ მოდელების სია გახდა ცნობილი, რომლებიც შოუზე გამოვლენ. ასევე ოფიალურად დადასტურდა, რომ Victoria’s Secret-ის 2016 წლის შოუზე იმღერებენ : Bebe Rexha, The Chainsmokers, Halsey, Kelsea Ballerini, Rita Ora, Shawn Mendes, The Struts.
ლონდონის, პარიზისა და პეკინის შემდეგ, VS-ის შოუ წელს ნიუ-იორკში ბრუნდება. 2018 წლის შოუში ყველა ოფიციალური ანგელოზი მიიღებს მონაწილეობას, გარდა ლილი ოლდრიჯისა, რომელიც ორსულადაა. ორწლიანი პაუზის შემდეგ შოუს უბრუნდება ბეატი პრინსლუც. გასულ ორ წელში მოდელმა ორი შვილი გააჩინა, ამიტომაც შოუების გამოტოვება მოუწია.

ელსა ჰოსკი 1988 წლის 7 ნოემბერს შვედეთში დაიბადა. Victoria's Secret-თან მუშაობა 2011 წელს დაიწყო. 2015 წელს კი ძირითადი ხაზის კონტრაქტიანი ანგელოზი გახდა. 2016 წელს კი შოუს გახსნის პატივიც ერგო.
.