ზემოთხსენებულ პრობლემაზე სიჟეტი "რუსთავი2"-მაც მოამზადა, სადაც აღწერილია, რომ ქარელის რაიონის სოფელ ზღუდერში უხილავი არსება საცხოვრებელ სახლებს ქვებს ესვრის და ხანძარს აჩენს, თუმცა, კვალს არ ტოვებს. ადგილობრივთა განცხადებით, თვეზე მეტია, ღამით ნორმალურად არ სძინავთ.

"რუსთავი 2″–თან ისინი ამბობენ, რომ უხილავი არსება ბეტონის ნატეხებს ისვრის, ღამის საათებში სახლებს ქვებს უშენს, ამსხვრევს მინებს, შედის სახლებში და ფარდებს უკიდებს ცეცხლს. სიტუაცია მას შედეგ კიდე უფრო გამწვავდა, რაც სოფლის მაცხოვრებლებმა პოლიციას განცხადებით მიმართეს. აღნიშულ განცხადებაზე ხელმომწერ ერთ–ერთ ოჯახს ხელმოწერის დღესვე უხილავმა ქვებით ფანჯრები ჩაუმტვრია. ერთი ადგილობრივის თქმით კი, წერილი იპოვა, სადაც უხილავი ყველას დახოცვით იმუქრება. სოფელში მუდმივი მორიგეობის მიუხედავად პოლიციამ ეჭვმიტანილს ჯერ ვერ მიაკვლია.

სოციალურ ქსელში გავრცელებული ინფორმაციით იგივე ხდება სოფელ თორტიზასა და ქალაქ გორშიც, კერძოდ ვერხვებზე.

შეგახსენებთ, რომ მსგავსი შემთხვევები საქართველოს სხვა კუთხეებშიც მომხდარა. მაგალითად, ცნობილია შემთხვევა ხონის მახლობლად, სადაც ერთერთ სოფელში თითქმის ანალოგიური ფაქტები ხდებოდა. იყო ადამიანების გაუჩინარების ფაქტები, ქვების სროლისა და ჭურჭლის მსხვრევის ფაქტები. მსგავსი ამოუხსნელი მოვლენები სამეგრელოშიც მომხდარა და რამდენჯერმე სოფლის დაცლის მიზეზიც გახდა.