თურქეთი არასდროს აღიარებს რუსეთის ფედერაციის მიერ ყირიმის უკანონო ანექსიას - განაცხადა თურქეთის პრეზიდენტმა რეჯეპ ტაიპ ერდოღანმა სტამბოლში, უკრაინის პრეზიდენტ პეტრო პოროშენკოსთან ერთობლივ პრესკონფერენციაზე.

თურქეთისა და უკრაინის ლიდერების შეხვედრა ერთ საათზე მეტხანს გაგრძელდა. ლიდერები რუსეთში უკრაინელი პოლიტპატიმრების გათავისუფლების მიზნით თანამშრომლობის გაგრძელებაზე შეთანხმდნენ.

თავის მხრივ პეტრო პოროშენკომ თურქ კოლეგას დონბასში, გაეროს მომავალი სამშვიდობო მისიის შემადგენლობაში შესვლაც შესთავაზა.