საპრეზიდენტო არჩევნების მეორე ტურის წინ საქართველოში შექმნილ ვითარებას არასამთავრობო ორგანიზაცია "რეფორმატორთა კლუბი" ეხმაურება:

"ბოლო დღეების განმავლობაში აგონიაში მყოფი „ქართული ოცნების“ მიერ დაქირავებული ე.წ. ცნობილი სახეების მცირე ნაწილი ძალიან აქტიურად ეწევა პროპაგანდას გაერთიანებული ოპოზიციის კანდიდატის საწინააღმდეგოდ და ოცნების კანდიდატის სასარგებლოდ. მათი მთავარი არგუმენტებია, რომ:

- მათ და ქართულ ოცნებას არ აინტერესებს, რომ საქართველოში 150 ათასი ბავშვი შიმშილობს

- მათ და ქართულ ოცნებას არ აინტერესებთ რომ მილიონზე მეტი ჩვენი მოქალქე სიღარიბის ზღვარს ქვემოთაა და ბევრ მათგანს სოციალური დახმარებაც შეუწყვიტეს

- მათ და ქართულ ოცნებას არ აინტერესებს რომ მოსახლეობის 67% ბანკების მარწუხებში იმყოფება ლარის გაუფასურების და ეკონომიკის დაბალი ზრდის გამო

- მათ და ქართულ ოცნებას არ აინტერესებს რომ 250 ათასამდე ადამიანი ვალააუვალთა რეესტრშია და დაყადაღებულია აქვს ყველაფერი: სახლკარი, მანქანა და ანგარიშები

- მათ არ აინტერესებთ რომ 800 ათასმა ჩვენმა თანამოქალაქემ ბოლო ექვს წელიწადში ქვეყანა დატოვა და ოჯახის სარჩენათ სხვა ქვეყნებში გადავიდნენ

- მათ არ აინტერესებს, რომ ლარის კურსი 1.65 დამ 2.73 მდე გაიზარდა

- მათ არ აინტწრესებთ რომ წამლების ფასი მინიმუმ ორჯერ მაღალია ვიდრე მეზობელ თურქეთში

- მათ არ აინტერესებს ის რომ ბოლო 6 წელში სახელმწიფო ვალი გაორმაგდა და 10 მილიარდი ლარით გაიზარდა

- მათ არ აინტერესებთ ის რომ ისედაც მწირ სახელმწიფო ბიუჯეტს ძარცვავს ივანიშვილის ოჯახი და მასთან დაახლოებული კრიმინალები

- მათ და ქართულ ოცნებას არ აინტერესებს სალარიძის მკვლელობის ჩაფარცხული საქმე, ასევე მაჩალიკაშვილის, თათუხაშვილის და ათობით სხვა ივანიშვილის რეჟიმის მიერ მოკლული ახალგაზრდის ბედი.

- მათ აინტერესებთ მხოლოდ ბიუჯეტის ფული, ფული, მეტი ფული და არა საქართველოსა და ჩვენი შვილების მომავალი," - ნათქვამია განცხადებაში.