გრიგოლ ვაშაძისთვის „რესპუბლიკური პარტიის“ მხარდაჭერა დადებითი მოვლენაა

გრიგოლ ვაშაძისთვის „რესპუბლიკური პარტიის“ მხარდაჭერა დადებითი მოვლენაა - ნიკა მელია

პოლიტიკა - 12:38, 02 Nov, 2018

747

"ნაციონალური მოძრაობის" ერთ-ერთი ლიდერი, გაერთიანებული ოპოზიციის წარმომადგენელი ნიკა მელია "რესპუბლიკური პარტიის" ღია მხარდაჭერას დადებით მოვლენად აფასებს და ამბობს, რომ მას შემდეგ, რაც გრიგოლ ვაშაძე პრეზიდენტი გახდება, ის ანგარიშვალდებული იქნება ყველასთან.

ნიკა მელიას თქმით, ასევე მნიშვნელოვანია, რომ ვაშაძე ბევრი პოლიტიკური თუ სამოქალაქო ჯგუფის წინაშე იყოს ვალდებული.

„მას შემდეგ, რაც გრიგოლ ვაშაძე შეუდგება უფლებამოსილების შესრულებას, ძალიან მნიშვნელვანია, რომ ის იყოს ანგარიშვალდებული ყველასთან და არა ერთ, ორ ან თერთმეტ პოლიტიკურ სუბიექტთან. საზოგადოებაში არის სხვადასხვა განწყობა და ყველა განწყობას სჭირდება თვალის გასწორება. მე გრიგოლ ვაშაძეში ვხედავ იმ ადამიანს, რომელიც არ იქნება ვიღაცაზე მიბმული ადამიანი“, - თქვა ნიკა მელიამ.

მისი თქმით, გრიგოლ ვაშაძეს მხარს უჭერს ის პარტია, რომელმაც რეალურად "ქართული ოცნება" მოიყვანა ხელისუფლებაში.

"რა მორალური უფლებით უნდა ისაუბროს „ქართულმა ოცნებამ" იმ წლებზე, რითაც აპელირებს, როდესაც გრიგოლ ვაშაძეს მხარს უჭერს ის პოლიტიკური პარტია, რომელმაც მოიყვანა ბიძინა ივანიშვილი ხელისუფლებაში.

მერე წამოვიდა, მას შემდეგ, რაც „ივანიშვილმა შობა" „ფარხცალაძეები", „სუბელიანები" და წინა ხელისუფლების უდიდესი ნაწილი, რომელსაც ის აკრიტიკებდა, თავად მიიტმასნა.

რეალურად წინა ხელისუფლების 60%, რომელთანაც იყო კითხვები, პრეტენზიები, ბიძინა ივანიშვილს ჰყავს. კიბატონო, ღმერთმა შეარგოს ივანიშვილს ფარცხალაძე და მურუსიძე, უბრალოდ, ქვეყანა ზიანდება ამით.

მაგრამ მიხარია, როცა ჯანსაღი ნაწილი ყოფილი „ქართული ოცნებისა“, კოალიციისა დღეს არის გრიგოლ ვაშაძის გარშემო გაერთიანებული“, - განაცხადა მელიამ.