სამართალდამცავებმა დღეს ზუგდიდის ყოფილი მერი და მისი მოადგილე დააკავეს. გია გულორდავას ადვოკატის განცხადებით, მისი დაცვის ქვეშ მყოფი ბრალს არ აღიარებს და დუმილის უფლებას იყენებს:

„მე შევხდი ჩემი დაცვის ქვეშ მყოფს. ის ბრალს არ აღიარებს. ამ ეტაპზე მას აქვს ბრალდებულის სტატუსი. ბრალი არ არის ჯერ წარდგენილი, მტკიცებულებებს ჯერ არ გავცნობივარ, ბრალის წარდგენის შემდეგ მოხდება სრულად მასალების გადმოცემა. პოზიციას რაც შეეხება, ის იყენებს კანონით მინიჭებულ დუმილის უფლებას, რაც ნიშნავს, რომ ის თავს დამნაშავედ არ ცნობს. მას ედავებიან ქრთამის აღების ფაქტთან დაკავშირებით. ჩემთვის როგორც ცნობილია, ამ ეტაპზე არ არსებობს დასაბუთებული ვარაუდი, რომ გია გულორდავა იყოს დაკავებული და შემდგომში ცნობილი ბრალდებულად“, – განაცხადა ზაქრო გვიჩიანმა.