ზუგდიდის ყოფილი მერისა და მისი მოადგილის დაკავებას მმართველი გუნდის წარმომადგენლები ეხმაურებიან. ლაშა გოგია ბოლოს სალომე ზურაბიშვილის საარჩევნო შტაბის ხელმძღვანელი იყო.

„ის აგრძელებდა ჩვენს გუნდში მოღვაწეობას და ესეც ნათელი მაგალითია იმის, რომ მოქმედი შტაბის თავმჯდომარე იმის გამო, რომ მიაღწია გამოძიებამ გარკვეულ სტადიას, სადაც შეიძლებოდა ბრალის წაყენება არავინ არ დაადო ხელი და არ თქვა, მოდი არჩევნების მერე გავაკეთოთ ეს,“-განაცხადა აკაკი ზოიძემ.

ანტიკორუფციულმა სააგენტომ ზუგდიდის ყოფილი მერი ლაშა გოგია და მისი მოადგილე გია გულორდავა დღეს დააკავა. ამის შესახებ სახელმწიფო უსაფრთხოების სამსახურში დღეს ბრიფინგი გაიმართა.